چاند پر درجہ حرارت میں تیدیلیاں کیوں ہوتی ہیں؟

اسلام آباد:زمین سے سفید اور چمکدار دکھنے والا چاند نہایت خوبصورت نظر آتا ہے لیکن اس کے درجہ حرارت کے حوالے سے حیرت انگیز حقائق سامنے آئے ہیں۔

چاند کا درجہ حرارت زمین جیسا نہیں ہوتا

غیرملکی میڈیا کے مطابق، حقیقت میں ہر وقت چاند پر درجہ حرارت اتنا ٹھنڈا نہیں ہوتا جتنا اسے دیکھ کر انسان تصور کرتا ہے۔ زمین کی طرح چاند کی سطح کا درجہ حرارت بھی اس بات پر منحصر ہوتا ہے کہ اس پر سورج کی کتنی روشنی پر رہی ہے۔

درجہ حرارت میں ڈرامائی تبدیلیاں

رپورٹس کے مطابق، چاند پر درجہ حرارت میں تبدیلیاں کافی ڈرامائی ہو سکتی ہیں۔ لائیو سائنس کی ایک رپورٹ کے مطابق، چاند کی سطح کا درجہ حرارت انتہائی گرم سے انتہائی سرد کی طرف جا سکتا ہے۔

امریکا کی یونیورسٹی آف مشی گن میں فلکیات کے پروفیسر جان مونیئر کا کہنا ہے کہ چاند کا درجہ حرارت تقریباً منفی سو ڈگری سے سو ڈگری سینٹی گریڈ تک ہو سکتا ہے۔

چاند اور زمین کا موازنہ

امریکی خلائی تحقیقی ادارے (ناسا) کے مطابق، چاند کے برعکس زمین کا اوسط درجہ حرارت پندرہ ڈگری سینٹی گریڈ ہوتا ہے لیکن یہ تقریباً منفی نواسی ڈگری سینٹی گریڈ سے ستاون ڈگری سینٹی گریڈ کے درمیان ہوسکتا ہے۔

یہ ڈرامائی اتار چڑھاؤ چاند کی سطح پر موجود کسی بھی انسانی مشن یا دیگر منصوبوں کے لیے اہم چیلنجز پیش کرتے ہیں۔ یہی وجہ ہے کہ خلائی تحقیق میں چاند کے درجہ حرارت کو سمجھنا نہایت ضروری ہے۔

مزید پرئیے:https://urdu.thepenpk.com/?p=5632