کیا سیارہ زہرہ پر زمین جیسی زندگی ممکن ہے؟

اسلام آباد:سیارہ زہرہ پر ہمارے سیارے زمین جیسی زندگی کے بارے میں نئے اور اہم انکشافات سامنے آئے ہیں۔

سیارہ زہرہ کو بعض اوقات زمین کا جڑواں سیارہ بھی کہا جاتا ہے کیونکہ دونوں کا حجم، کششِ ثقل اور جسامت ایک جیسے ہیں، مگر حقیقت میں یہ سیارہ ہماری زمین سے بہت مختلف ہے۔

سائنسدانوں نے کئی سال قبل یہ انکشاف کیا تھا کہ ماضی میں سیارہ زہرہ میں کبھی بہت بڑی مقدار میں پانی موجود تھا۔

اس کے بعد چار سال قبل ایک تحقیق میں سائنسدانوں نے یہ بھی بتایا تھا کہ سیارہ زہرہ کے ماحول میں فوسفین گیس کی بڑی مقدار موجود ہے، جس کے سبب یہ ممکن تھا کہ وہاں مائیکرو آرگنزمز بھی موجود ہوں، تاہم ایک سال بعد اس تحقیق کو رد بھی کر دیا گیا۔

سیارہ زہرہ کے بارے میں کی جانے والی ایک نئی تحقیق میں یہ بات سامنے آئی ہے کہ اس کے گرد موجود بادل زیادہ تر سلفیورک ایسِڈ سے بنے ہوئے ہیں، اور ان میں پانی کی مقدار بحت کم ہے۔

مزید براں، حالیہ تحقیق میں یہ بھی انکشاف کیا گیا کہ سیارہ زہرہ کا اندرونی حصّہ خشک ہے، جو یہ ظاہر کرتا ہے کہ وہاں پر کبھی بھی پانی موجود نہیں تھا اور اس کی بنا وہاں پر زمین جیسی زندگی کا تصور ممکن نہیں۔

تحقیق میں مزید بتایا گیا کہ سیارہ زہرہ پر وہ جاندار بھی زندہ نہیں رہ سکتے جو انتہائی سخت ماحول میں رہنے کی صلاحیت رکھتے ہوں۔

مزید پرئیے:https://urdu.thepenpk.com/?p=5556