اسلام آباد: سردیوں میں دہی کھانے سے زکام یا فلو ہونے کا خیال برسوں سے گھریلو روایات کا حصہ رہا ہے، لیکن سائنس کے مطابق ایسا کوئی تعلق موجود نہیں ہے۔
دہی ایک غذائیت سے بھرپور خوراک ہے جو جسم پر کئی مثبت اثرات ڈالتی ہے، بشرطیکہ اسے صحیح طریقے سے استعمال کیا جائے۔
ماہرین کے مطابق دہی کے فوائد بےشمار ہیں، مگر غلط استعمال سے کچھ افراد کو نقصان بھی پہنچ سکتا ہے۔
روزانہ دہی کھانے کے حیرت انگیز فوائد
طبی اعتبار سے سردیوں میں دہی کھانے سے زکام نہیں ہوتا، کیونکہ سردی یا فلو صرف وائرس سے لگتا ہے اور یہ وائرس ہوا یا متاثرہ سطح کے ذریعے پھیلتے ہیں۔ دہی میں ایسا کوئی وائرس موجود نہیں ہوتا جو انسان کو بیمار کرے۔
البتہ ٹھنڈہ دہی یا فریج سے نکال کر فوراً کھائیاں گیا دہی، کچھ لوگوں میں گلے، ناک اور حلق کی جھلی کو خراش یا جلن کا احساس دے سکتی ہے، جس سے وہ سمجھتے ہیں کہ انہیں “زکام ہو گیا” ہے، لیکن اگر دہی کمرے کے درجہ حرارت پر ہو تو یہ مسئلہ پیش نہیں آتا۔
2019 میں جرنل آف انوائرمنٹل میں شائع ہونے والی ایک تحقیق کے مطابق دہی میں موجود پروبائیوٹکس آنتوں کی صحت کو بہتر بناتے ہیں، جس سے اوپری سانس کی نالی کی انفیکشنز کا خطرہ کم ہو جاتا ہے۔ یعنی دہی، درست طریقے سے کھائی جائے تو یہ جسم کا مدافعتی نظام مضبوط بناتی ہے۔
مزید پرئیے:https://urdu.thepenpk.com/?p=6778
کیا دہی واقعی تیزابیت کم کرتی ہے؟
زیادہ تر صحت مند افراد میں بھی دہی بلغم نہیں بناتی۔ البتہ اگر کسی شخص کو پہلے سے سردی، سائنس یا گلے کی خرابی ہو تو دہی کی ٹھنڈک کی وجہ سے موجود بلغم گاڑھا محسوس ہو سکتا ہے، جس سے حلق بند ہونے یا خارش کا احساس بڑھ جاتا ہے۔
ماہرین کا مشورہ ہے کہ سردیوں میں دہی ٹھنڈی نہ کھائیں۔
صحت کے لیے دہی کھانے کے سنہری اصول
کھانے سے 20–30 منٹ پہلے فریج سے نکال لیں یا ہلکا سا نیم گرم کر لیں تاکہ یہ کمرے کے درجہ حرارت پر آ جائے۔
ماہرین سنہری اصول بھی بتاتے ہیں کہ دہی اعتدال میں کھائیں۔ روزانہ 1–2 سرونگز کافی ہیں۔
دہی کھانے کا بہترین وقت دن یا دوپہر ہے۔ ماہرین یہ بھی تاکید کرتے ہیں کہ سردیوں میں ٹھنڈی دہی نہ کھائیں اور بہت کھٹی یا بہت چکنائی والی دہی سے گریز کریں۔
