پنجاب حکومت نے صوبائی وزرا اور بیوروکریٹس کے لیے ایک ارب 14 کروڑ روپے کی لگژری گاڑیاں خریدنے کی تجویز دی ہے، جس میں پنجاب کابینہ کے لیے 30 کروڑ روپے مالیت سے 28 نئی گاڑیاں شامل ہیں۔ اس میں سینئر وزیر مریم اورنگزیب اور وزیر اطلاعات عظمیٰ بخاری کے لیے دو بلٹ پروف گاڑیاں بھی شامل ہیں جن کی قیمت چار کروڑ روپے بتائی گئی ہے۔ خریداری میں لینڈ کروزر، ہیول ون پوائنٹ فائیو، گرینڈ الٹس، ٹویوٹا الٹس اور ٹویوٹا یارس شامل ہیں۔ واضح رہے کہ وی آئی پیز کی سکیورٹی کے لیے پہلے ہی 25 گاڑیاں خریدنے کی سفارشات منظور ہو چکی ہیں، اور رواں سال کے لیے 108 نئی گاڑیاں خریدنے کی سفارشات بھی صوبائی حکومت کو پیش کی گئی ہیں۔
