تل ابیب/تہران: جنگی جنون میں مبتلا اسرائیل نے ایران پر براہِ راست حملہ کر دیا، جس سے خطے میں کشیدگی انتہا کو پہنچ گئی ہے۔
اسرائیلی وزیر دفاع نے باضابطہ اعلان کیا کہ اسرائیل نے ایران پر حملے شروع کر دیے ہیں۔ انہوں نے کہا کہ ایران کی جانب سے مسلسل دھمکیوں اور سیکورٹی خطرات کے پیشِ نظر یہ جوابی کارروائی کی گئی ہے۔
حملے کے فوراً بعد اسرائیل کے مختلف شہروں میں خطرے کے سائرن بج اٹھے، اور حکام نے شہریوں کو فوری طور پر محفوظ مقامات اور بنکرز میں منتقل ہونے کی ہدایت جاری کی ہے۔
غیر ملکی میڈیا کے مطابق، حالات کی سنگینی کے پیشِ نظر اسرائیل میں سکیورٹی ہائی الرٹ کر دی گئی ہے اور دفاعی نظام کو فعال کر دیا گیا ہے۔
ایرانی میڈیا کے مطابق، اسرائیلی فورسز نے تہران پر تین مقامات پر حملے کیے، بمباری کے نتیجے میں تہران میں دھوئیں کے بادل چھا گئے، اور شاہراہ یونیورسٹی پر متعدد میزائل گرنے کی تصدیق کی گئی ہے۔
