اسرائیلی میڈیا کی جانب سے دعویٰ کیا جا رہا ہے کہ ایران پر حالیہ حملوں میں اعلیٰ حکومتی عہدیدار کو نشانہ بنایا گیا ہے۔ اسرائیلی فورسز کی جانب سے تصدیق کی جا رہی ہے کہ کون سے ایرانی رہنما نشانہ بنے ہیں۔
غیر ملکی رپورٹس کے مطابق، امریکی عہدیدار کا کہنا ہے کہ امریکہ اور اسرائیل کے حملوں کا مقصد ایران کے سیکیورٹی ڈھانچے کو تباہ کرنا ہے۔ اسرائیلی میڈیا کے مطابق امریکی عہدیدار نے بتایا کہ امریکہ اور اسرائیل نے ایران کے سیکیورٹی اداروں کے دفاتر کو نشانہ بنایا ہے۔
ایرانی میڈیا کے مطابق، اسرائیل نے دارالحکومت تہران میں حکومتی ہیڈکوارٹرز اور صدارتی محل کو نشانہ بنایا ہے۔ تہران میں کم از کم تین زور دار دھماکوں کی آوازیں سنی گئیں، جس کے بعد صورتحال انتہائی کشیدہ ہو گئی ہے۔
تہران اور دیگر شہروں میں خوف و ہراس
میڈیا رپورٹس کے مطابق متعدد میزائل تہران کی یونیورسٹی روڈ اور جمہوریہ ایریا میں گرے، جس کے نتیجے میں علاقے میں خوف و ہراس پھیل گیا۔ ایران کے دیگر شہروں جیسے اصفہان، کرمانشاہ اور قم میں بھی دھماکوں کی آوازیں سنی گئیں۔
