ترجمان اسلام آباد پولیس کے مطابق شہر میں منظم جرائم پیشہ گینگز کے خلاف بڑے پیمانے پر کریک ڈاؤن جاری ہے۔اسی سلسلے میں تھانہ بنی گالا پولیس نے کارروائی کرتے ہوئے راہزنی کی وارداتوں میں مطلوب منظم گینگ کے دو ارکان کو گرفتار کر لیا۔پولیس کے مطابق گرفتار ملزمان کے قبضے سے لاکھوں روپے مالیت کا چھینا گیا موٹر سائیکل، نقدی اور قیمتی موبائل فونز برآمد کر لیے گئے ہیں۔ ملزمان سے وارداتوں میں استعمال ہونے والا اسلحہ اور ایمونیشن بھی برآمد کیا گیا ہے۔ابتدائی تفتیش کے دوران ملزمان نے اسلحہ کے زور پر شہریوں سے موٹر سائیکل، نقدی اور دیگر قیمتی اشیاء چھیننے کی متعدد وارداتں کا انکشاف کیا ہے۔ڈی آئی جی اسلام آباد محمد جواد طارق کا کہنا ہے کہ گرفتار ملزمان کو قرار واقعی سزا دلوانے کے لیے تمام قانونی تقاضے پورے کیے جائیں گے۔انہوں نے مزید کہا کہ شہریوں کو ان کے قیمتی اثاثوں سے محروم کرنے والے عناصر کے خلاف بلا امتیاز کارروائیاں جاری رکھی جائیں گی اور منظم و متحرک گینگز کے خلاف بڑے پیمانے پر آپریشن جاری رہے گا۔
