اسلام آباد: عیدالفطر کا تہوار صرف 10 روز دور ہے اور اس موقع پر وفاقی و صوبائی حکومتوں نے تمام سرکاری ملازمین اور پنشنرز کے لیے بڑا ریلیف دینے کا اعلان کیا ہے۔اعلامیے کے مطابق وفاق، پنجاب اور سندھ کے تمام حاضر سروس اور ریٹائرڈ مسلم ملازمین بشمول ورک چارجڈ اور کنٹیجٹ پیڈ عہدوں پر خدمات انجام دینے والے ملازمین کو 16 مارچ 2026 کو اپنی مکمل تنخواہ، پنشن اور تمام الاؤنسز ادا کیے جائیں گے۔متعلقہ حکام نے تمام سرکاری محکموں کو ہدایت کی ہے کہ پے رول اور پنشن کی کارروائی بغیر کسی تاخیر کے مکمل کی جائے تاکہ عید کی چھٹیوں سے قبل ملازمین اور پنشنرز کے اکاؤنٹس میں رقوم منتقل ہو جائیں۔
ماہرین کے مطابق اس بار پاکستان میں رمضان کے 30 روزے مکمل ہونے کے بعد عیدالفطر 21 مارچ کو متوقع ہے۔
