ہمایوں سعید ٹی وی اسکرین پر یمنیٰ زیدی کے بعد اب سجل علی کیساتھ بھی نظر آئیں گے

اسلام آباد:پاکستان کے معروف اداکار و فلمساز ہمایوں سعید ٹی وی اسکرین پر خوبرو اداکارہ سجل علی کے ساتھ نظر آنے کے لیے تیار ہیں۔
اداکار ٹی وی اسکرین پر منجھی ہوئی اداکارہ یمنیٰ زیدی کے بعد اب سجل علی کے ساتھ رومانس لڑاتے نظر آئیں گے۔
یاد رہے کہ ہمایوں سعید آج کل اداکارہ یمنیٰ زیدی کے مدِ مقابل ڈرامہ سیریل ’جینٹل مین‘ میں دکھائی دے رہے ہیں، آن اسکرین اس جوڑی کو خوب پزیرائی مل رہی ہے۔
ڈرامہ شائقین ابھی آن اسکرین ہمایوں اور یمنیٰ کی جوڑی کے سحر سے نکلے نہ تھے کہ ہمایوں نے مداحوں کو ایک نئی خوشخبری سنا دی ہے۔
میڈیا رپورٹس کے مطابق ہمایوں اور سجل کے نئے پروجیکٹ کا نام ’میں منٹو نہیں ہوں‘ ہوگا۔
اداکارہ سجل علی اور ہمایوں سعید کا مذکورہ ڈرامہ سیریل نجی ٹی وی پر شیئر کیا جائے گا جس کے لیے مداح نہایت پرجوش نظر آ رہے ہیں۔
ڈرامہ سیریل ’میں منٹو نہیں ہوں‘ معروف مصنف خلیل الرحمٰن قمر نےلکھا ہے کہ جس کے ہدایتکار ندیم بیگ ہیں۔