اسلام آباد:امریکی گلوکارہ گیوین اسٹیفنی نے اپنے کنسرٹ کو منسوخ کرنے کا اعلان کر دیا ہے۔
غیر ملکی میڈیا کے مطابق، 54 سالہ گیوین اسٹیفنی کو 17 اگست کو نیو جرسی میں کنسرٹ کرنا تھا، مگر ایک چوٹ کے سبب وہ اس شو کو منسوخ کر رہی ہیں۔
انہوں نے سوشل میڈیا پر اپنے مداحوں سے معذرت کی اور وضاحت دی کہ ڈاکٹروں کی ہدایت کے مطابق وہ 17 اگست کو اٹلانٹک سٹی کے ایٹس ایرینا میں پرفارم نہیں کر سکیں گی۔
اس کے علاوہ، گیوین اسٹیفنی نے بتایا کہ ان کی ٹیم کنسرٹ کی تاریخوں کو دوبارہ ترتیب دینے کا ارادہ رکھتی ہے اور نئی تاریخوں کے بارے میں لوگوں کو ای میل کے ذریعے آگاہ کیا جائے گا۔
