اسلام آباد:شوبز انڈسٹری کی معروف جوڑی آغا علی اور حنا الطاف کی طلاق کی تصدیق معروف ٹی وی میزبان مدیحہ نقوی نے اپنے مارننگ شو میں کی۔
آغا علی اور حنا الطاف نے سال 2020ء میں کورونا کے دوران لاک ڈاؤن کے دوران سادگی سے شادی کی تھی، لیکن 2022ء میں دونوں کی علیحدگی کی خبریں سامنے آئیں۔
اگرچہ اپریل 2022ء میں دونوں نے ان افواہوں کی سختی سے تردید کی، لیکن ان کی طلاق کی افواہیں جاری رہیں۔
حال ہی میں سینئر اداکارہ شگفتہ اعجاز اور ونیزہ احمد مدیحہ نقوی کے شو میں بطورِ مہمان شریک ہوئیں۔
شو کے ایک سیگمنٹ میں انہیں پاکستان کے مشہور اداکاروں کی تصاویر دی گئیں، جنہیں انہوں نے تصویر دیکھے بغیر اداکار کی شناخت کرنے کی کوشش کی۔
شگفتہ اعجاز کے ہاتھ میں آغا علی کی تصویر آئی، لیکن وہ پہچان نہ سکیں۔
مدیحہ نقوی اور ونیزہ احمد نے آغا علی کا نام لیے بغیر ان کے کام اور ذاتی زندگی سے متعلق کچھ معلومات فراہم کیں، جیسے کہ ان کا تعلق لاہور سے ہے، ان کے والد اور ماموں بھی مشہور اداکار ہیں، ان کا بڑا بھائی عدنان صدیقی کے شو “تماشہ گھر” کا حصہ رہا ہے، اور ان کی شادی ایک مقبول پاکستانی ڈرامہ اداکارہ سے ہوئی تھی، جن سے اب ان کی طلاق ہوچکی ہے۔
مدیحہ نقوی کی تصدیق کے بعد شگفتہ اعجاز نے کہا کہ تصویر میں موجود اداکار آغا علی ہیں۔
اس خبر کے بعد آغا علی اور حنا الطاف کے مداحوں میں مایوسی پھیل گئی ہے۔
