اسلام آباد:ذوالفقار علی بھٹو جونیئر، پاکستان پیپلز پارٹی کے بانی اور سابق وزیر اعظم ذوالفقار علی بھٹو کے پوتے، نے اپنے والد میر مرتضیٰ بھٹو کی سالگرہ کے موقع پر سوشل میڈیا پر ایک پوسٹ شیئر کی۔
انہوں نے انسٹاگرام پر اپنے والد کی تین یادگار تصویریں شائع کیں۔
پوسٹ کے کیپشن میں، بھٹو جونیئر نے اپنے دل کے جذبات کا اظہار کرتے ہوئے لکھا کہ ان کے والد کو ہم سے جدا ہوئے 28 سال ہو چکے ہیں، جب 70 کلفٹن کے باہر سڑک پر سات افراد کو خون بہانے کے لیے چھوڑ دیا گیا تھا۔
واضح رہے کہ دو روز قبل سابق وزیرِ اعظم ذوالفقار علی بھٹو شہید کی پوتی اور مصنفہ فاطمہ بھٹو نے اپنے مرحوم والد مرتضیٰ بھٹو کی سالگرہ کے موقع پر سوشل میڈیا پر ایک پوسٹ شیئر کی تھی۔
فاطمہ بھٹو نے اپنے والد کی 70 ویں سالگرہ کے موقع پر بچپن کی ایک یادگار تصویر شیئر کرتے ہوئے کیپشن میں لکھا تھا کہ میرے پیارے پاپا، آپ کو 70 ویں سالگرہ مبارک! آپ کو 42 سال کی عمر میں ہم سے بہت کم عمر میں چھین لیا گیا تھا۔
واضح رہے کہ مرتضیٰ بھٹو، پاکستان کے سابق وزیرِ اعظم ذوالفقار علی بھٹو کے بیٹے تھے، اور ان کے دو بچے، فاطمہ بھٹو اور ذوالفقار علی بھٹو جونیئر ہیں۔
