اسلام آباد:اداکار فیروز خان نے انکشاف کیا ہے کہ وہ کالے جادو کے اثرات کا شکار رہے ہیں۔
انہوں نے فوٹو اینڈ ویڈیو شیئرنگ پلیٹ فارم انسٹاگرام پر اپنی کہانی بیان کرتے ہوئے مختلف انسٹا اسٹوریز شیئر کیں۔
فیروز خان کا کہنا ہے کہ میں اللہ کے کرم اور آپ ﷺ کی رحمت سے کالے جادو کے اثرات سے باہر نکلا ہوں۔
انہوں نے مزید کہا کہ میں نے اس سے پہلے صرف سنا تھا کہ اگر کسی پر کالا جادو ہو جائے تو کچھ خاص علامات ظاہر ہوتی ہیں، لیکن میں نے کبھی خود ایسا کچھ محسوس نہیں کیا۔ حال ہی میں، میں نے ان تمام علامات کو خود پر محسوس کیا۔
اداکار کا کہنا ہے کہ وہ آوازیں سننے اور اپنے ارد گرد غیر مرئی مخلوق کی موجودگی کو محسوس کر رہے تھے، جس نے ان کی زندگی پر منفی اثرات مرتب کیے۔
انہوں نے اس مسئلے کے حل کے لیے مختلف عالم دین سے رابطہ کیا اور مزید معلومات حاصل کیں۔
فیروز خان نے وضاحت کی کہ انہوں نے نمازوں، قرآنی رقیہ اور درود پاک کی مدد سے اس کا علاج کیا۔
ان کے مطابق، شیطانی وسوسوں سے نکلنے کے اس عمل کے دوران ان کا ایمان مزید مضبوط ہوا ہے۔
