اسلام آباد:پاکستانی شوبز انڈسٹری کی معروف اداکارہ حبا بخاری اور اداکار آریز احمد، نے اپنی بیٹی کی پیدائش کے دو ماہ بعد مداحوں کے ساتھ یہ خوشخبری شیئر کی ہے۔
فوٹو اور ویڈیو شیئرنگ پلیٹ فارم انسٹاگرام پر دونوں نے ایک مشترکہ پوسٹ شیئر کی جس میں اپنی ننھی پری کی آمد کا اعلان کیا، نام بتایا، اور ایک خوبصورت تصویر بھی پیش کی۔
انسٹا پوسٹ میں دونوں نے ایک دلکش تصویر شیئر کی ہے جس میں حبا اور آریز کے ہاتھوں میں ان کی بیٹی کے پاؤں کی جھلک نمایاں ہے۔
پوسٹ کے کیپشن میں بیٹی کو مخاطب کرتے ہوئے لکھا کہ اس سال نے ہماری زندگیوں کو اس قدرخوبصورت انداز میں بدل دیا ہے، جسے الفاظ میں بیان کرنا میرے لیے ممکن نہیں۔ یہ آپ کا دوسرا مہینہ ہے۔
بیٹی کی پیدائش پر خدا کا شکر ادا کرتے ہوئے انہوں نے مزید کہا کہ آپ کی موجودگی محبت کی خالص ترین شکل ہے جسے ہم نے محسوس کیا۔ اللہ کا شکر ہے کہ اس نے ہمیں اپنی رحمت سے نوازا۔ ہمارا چھوٹا فرشتہ۔
والدین بننے والی اس جوڑی نے بیٹی کا نام بھی مداحوں کے ساتھ شیئر کیا اور کہا کہ آپ ہماری زندگیوں میں روشنی لائی ہیں۔ ہم نے آپ کا نام عینور (Aynur) رکھا ہے، جس کا مطلب ہے چاندنی۔
یاد رہے کہ آریز احمد اور حبا بخاری دو ہزار بائیس میں رشتۂ ازدواج میں منسلک ہوئے تھے۔ یہ ان کے ہاں پہلے بچے کی آمد ہے۔
مزید پرئیے:https://urdu.thepenpk.com/?p=5762
