اسلام آباد:جنوبی کوریا میں ایک چور کی بینک ڈکیتی کی کوشش نے نہ صرف سب کو ڈرا دیا بلکہ پھر ہنسی بھی مذاق کا باعث بن گئی۔
غیر ملکی میڈیا کے مطابق، جنوبی کوریا کے شہر بوسن میں ایک تیس سالہ شخص نے بینک لوٹنے کی کوشش کی، تاہم اس کی کوشش ناکام ہوئی اور وہ پکڑا گیا۔
تفصیلات کے مطابق، ملزم بینک کے اندر داخل ہوا اور کیش کاؤنٹر کے قریب پہنچ کر عملے اور موجودہ لوگوں کو حکم دیا کہ وہ زمین پر لیٹ جائیں اور اس کے بیگ میں نقدی بھر دیں۔ ملزم نے چہرے پر نقاب لگا رکھا تھا اور اس کے پاس ایک بیگ اور سیاہ رنگ کا تھیلا تھا۔
غیر ملکی میڈیا کے مطابق، اس بینک ڈکیتی کو ناکام بنانے میں ایک ترپن سالہ شخص کا اہم کردار رہا، جس نے ملزم کو دبوچ لیا۔ اس کے بعد دیگر افراد نے بھی چور کو پکڑنے کے لیے مدد کی۔
صرف دو منٹ کے اندر ہی ملزم پکڑ لیا گیا اور جب اس کے سامان کی تلاشی لی گئی تو پتہ چلا کہ چور کے سیاہ رنگ کے تھیلے میں ایک ڈائنسور کی شکل کی پانی والی کھلونا پستول موجود تھی۔
مقامی پولیس کا کہنا ہے کہ گرفتار شدہ ملزم پانچ سال سے بے روزگار اور مالی مشکلات کا شکار ہے۔
پولیس کا مزید کہنا ہے کہ ملزم نے ڈکیتی کے بعد فرار ہونے کا کوئی منصوبہ نہیں بنایا تھا، اور نہ ہی اس کے پاس بھاگنے کے لیے کوئی سواری تھی۔
مزید پرئیے:https://urdu.thepenpk.com/?p=6229
