نیوزڈیسک
کراچی: گورنر ہاؤس کراچی میں جشنِ آزادی کے سلسلے میں “معرکہ حق” کے عنوان سے ایک شاندار محفل موسیقی کا اہتمام کیا گیا۔
اس پرمسرت موقع پر گورنر سندھ کامران ٹیسوری کی خصوصی دعوت پر عالمی شہرت یافتہ گلوکار استاد راحت فتح علی خان نے اپنی مدھر آواز سے محفل کو مسحور کن بنا دیا۔
استاد راحت فتح علی خان خصوصی طور پر گورنر کی دعوت پر کراچی تشریف لائے۔
محفل کے دوران معروف ملی نغموں کی دھنوں نے شرکاء کے جوش و خروش میں مزید اضافہ کر دیا۔
کامران ٹیسوری نے اپنے خطاب میں کہا کہ یہ تقریب بھارت کو معرکہ حق میں شکست دینے کی یاد اور جشن کے طور پر منائی جا رہی ہے۔
تقریب میں مختلف ممالک کے قونصل جنرلز، ایم کیو ایم پاکستان کے رہنما اور بڑی تعداد میں شہریوں نے شرکت کی۔
