نیوزڈیسک
اسلام آباد: امریکی صدر ڈونلڈ ٹرمپ نے کہا کہ روس اور یوکرین کے درمیان جنگ بندی کا انحصار روسی صدر ولادیمیر پیوٹن پر ہے۔
اوول آفس میں صحافیوں سے گفتگو کرتے ہوئے ٹرمپ نے بتایا کہ روسی صدر پیوٹن ان سے ملاقات کرنا چاہتے ہیں اور وہ ان سے ملاقات کریں گے۔
ٹرمپ نے کہا کہ ہلاکتیں روکنے کے لیے وہ جو کچھ کر سکتے ہیں کریں گے۔
امریکی صدر کا مزید کہنا ہے کہ پیوٹن کو پہلے یوکرینی صدر سے ملاقات کرنے کی ضرورت نہیں ہے۔
روس کے صدر پیوٹن نے بھی امریکی صدر ٹرمپ سے متحدہ عرب امارات میں ملاقات کی توقع ظاہر کی ہے۔
ماسکو میں متحدہ عرب امارات کے صدر شیخ محمد بن زاید کی پیوٹن سے ملاقات کے بعد میڈیا سے بات چیت میں روسی صدر نے کہا کہ کئی دوست ممالک صدر ٹرمپ سے ملاقات کرانے میں مدد کرنا چاہتے ہیں۔
انہوں نے مزید کہا کہ یہ ملاقات باہمی مفادات کی بنیاد پر ہوگی اور متحدہ عرب امارات اس کے لیے ایک مناسب جگہ ہو سکتی ہے۔
واضح رہے کہ صدر ٹرمپ نے آٹھ اگست تک یوکرین امن معاہدہ نہ ہونے کی صورت میں روس پر نئی پابندیوں کی دھمکی دی ہے۔
