نیوزڈیسک
اسلام آباد: یمن میں حوثیوں کی اکثریتی تنظیم انصاراللہ کے وزیراعظم احمد غالب اسرائیلی فضائی حملے میں جاں بحق ہوگئے۔
روسی میڈیا کے مطابق احمد غالب صنعا کے جنوبی علاقے حدا میں اپنے گھر پر ہونے والی بمباری میں ہلاک ہوئے، اس حملے میں ان کے ساتھ تین دیگر افراد بھی مارے گئے۔
انصاراللہ نے احمد غالب کو گزشتہ سال دس اگست کو وزیراعظم مقرر کیا تھا، اور وہ حوثیوں کی سپریم سیاسی کونسل کے رکن بھی تھے۔
دوسری جانب یمنی وزارت دفاع نے اسرائیلی حملوں میں قیادت کو نشانہ بنانے کی خبروں کی تردید کرتے ہوئے اعلان کیا ہے کہ غزہ میں فلسطینیوں کے خلاف جاری تشدد کے خلاف کارروائیاں جاری رکھی جائیں گی۔
یاد رہے کہ اسرائیلی فوج نے تازہ فضائی حملوں میں انصاراللہ کے متعدد رہنماؤں کو ہدف بنایا تھا۔
چار روز قبل بھی اسرائیل نے یمن پر فضائی حملے کیے تھے، جن میں دس افراد ہلاک اور نوے سے زائد زخمی ہوئے تھے۔
