کراچی (ویب ڈیسک) — بین الاقوامی اور ملکی مارکیٹوں میں آج فی تولہ سونا اور چاندی کی قیمتوں میں واضح کمی ریکارڈ کی گئی ہے۔
صرافہ بازار ایسوسی ایشن کے مطابق، فی تولہ سونا 6,500 روپے کمی سے 5,33,362 روپے پر آگیا، جبکہ 10 گرام سونا 5,573 روپے کمی کے بعد 4,57,271 روپے کا ہو گیا۔
اسی طرح عالمی مارکیٹ میں فی اونس سونا 65 ڈالر کی کمی کے بعد 5,106 ڈالر کا ہوگیا، جبکہ فی تولہ چاندی 37 روپے کمی کے ساتھ 8,894 روپے پر بند ہوئی۔
ماہرین کے مطابق سونا روایتی طور پر محفوظ سرمایہ کاری سمجھا جاتا ہے اور افراط زر، سیاسی یا معاشی عدم استحکام کے اوقات میں سرمایہ کار اس کی طرف زیادہ رجوع کرتے ہیں۔
پاکستان میں گزشتہ برس سونے کی قیمت کے تعین کے طریقہ کار میں بھی تبدیلی کی گئی تھی، جس کے تحت سونے کی قیمت عالمی ریٹ سے 20 ڈالر فی اونس زیادہ مقرر کی گئی ہے۔
