پاکستان فلم، ٹی وی اور اسٹیج کے ورسٹائل سینئر اداکار عاصم بخاری طویل علالت کے بعد انتقال کر گئے۔ ان کی عمر 76 برس تھی۔اہلخانہ کے مطابق وہ دل اور گردوں کے عارضے میں مبتلا تھے اور گزشتہ 15 روز سے لاہور کے ایک اسپتال میں زیر علاج تھے۔ بتایا گیا ہے کہ وہ گزشتہ شب کومہ میں چلے گئے تھے جس کے بعد ان کا انتقال ہو گیا۔مرحوم اداکار نے اپنے طویل فنی کیریئر میں متعدد ٹی وی ڈراموں، اسٹیج ڈراموں اور فلموں میں اداکاری کے جوہر دکھائے اور شوبز انڈسٹری میں نمایاں مقام حاصل کیا۔ان کے بچوں مقدس بخاری اور جلال بخاری نے بھی 90 کی دہائی کے مقبول ڈرامے عینک والا جن میں اداکاری کر کے شہرت حاصل کی تھی۔واضح رہے کہ عاصم بخاری کے صاحبزادے جلال بخاری اس وقت لندن کے ایک اسپتال میں پتے کی پتھری کے باعث زیر علاج ہیں۔
