تل ابیب/تہران (ویب ڈیسک): ایران اور حزب اللہ نے اسرائیل کے خلاف مشترکہ کارروائی کرتے ہوئے تقریباً 150 راکٹ داغ دیے، جس سے وسطی اسرائیل دھماکوں سے گونج اٹھا اور متعدد عمارتوں کو نقصان پہنچا۔
غیر ملکی میڈیا رپورٹس کے مطابق حملوں کا زیادہ تر اثر وسطی اسرائیل کے علاقے شیرون میں دیکھا گیا، تاہم فوری طور پر کسی جانی نقصان کی اطلاع نہیں ملی۔
پاسدارانِ انقلاب کا کہنا ہے کہ کارروائی میں قدر، عماد، خیبر شکن اور فتح میزائل استعمال کیے گئے۔ بیان کے مطابق حملوں کا ہدف تل ابیب، حیفا اور خطے میں موجود امریکی اڈے تھے، اور یہ کارروائی اسلامی مزاحمتی فورسز کے ساتھ مشترکہ طور پر کی گئی۔
دوسری جانب اسرائیلی دفاعی افواج نے شہریوں کو خبردار کیا ہے کہ دفاعی نظام فعال ہے، تاہم عوام احتیاطاً پناہ گاہوں میں رہیں۔
اس سے قبل پاسدارانِ انقلاب نے “آپریشن وعدہ صادق 4” کے تحت 40ویں حملے کا اعلان کرتے ہوئے اسے ’یا امیر المومنین‘ کا نام دیا تھا۔
