ملتان:ملتان کے تھیٹر میں اسٹیج اداکارہ ندا چوہدری کی پرفارمنس کے دوران فائرنگ کا واقعہ پیش آیا۔
فائرنگ کے نتیجے میں ہال میں بھگدڑ مچ گئی، جس کی وجہ سے ندا چوہدری نے فوراً اپنی پرفارمنس ختم کر دی۔ خوش قسمتی سے، اس واقعے میں کوئی زخمی نہیں ہوا۔
پولیس کے مطابق، فائرنگ کے دوران ملزم نے ایک گولی چلائی، جبکہ دوسری گولی پسٹل میں پھنس گئی۔ پولیس نے تحقیقات شروع کر دی ہیں اور فائرنگ کرنے والے ملزم کی گرفتاری کے لیے کارروائی جاری ہے۔
