اسلام آباد:راولپنڈی میں کھیلے جانے والے تیسرے اور فیصلہ کن ٹیسٹ میچ میں انگلینڈ نے ٹاس جیت کر پہلے بیٹنگ کا فیصلہ کیا ہے۔
انگلینڈ کی پہلی وکٹ 56 رنز پر گری، جب زیک کرالی 29 رنز بنا کر نعمان علی کی گیند پر صائم ایوب کے ہاتھوں کیچ آئوٹ ہوئے۔
پاکستان کی ٹیم میں کوئی تبدیلی نہیں کی گئی۔ ٹاس کے موقع پر قومی ٹیم کے کپتان شان مسعود نے کہا کہ ٹاس جیت کر ہم بیٹنگ ہی کرتے۔
انہوں نے مزید کہا کہ ٹاس کبھی پلان کے مطابق ہوتا ہے، کبھی نہیں، ہمیں اچھی کرکٹ کھیلنی ہے۔
پاکستان کے کپتان کا مزید کہنا ہے کہ ان کی تیاری مکمل ہے اور وہ اس کے مطابق کھیلیں گے۔
انگلینڈ کے کپتان نے کہا کہ ایک اچھی وکٹ لگ رہی ہے، ہم اچھی کارکردگی کا مظاہرہ کریں گے۔یاد رہے کہ پہلا ٹیسٹ انگلینڈ نے جیتا تھا جبکہ دوسرا ٹیسٹ پاکستان نے اپنے نام کیا۔
مزید پرئیے:https://urdu.thepenpk.com/?p=4698
