آسٹریلیا نے بھارت کو دوسرے ٹیسٹ میں دس وکٹوں سے شکست دی

اسلام آباد:آسٹریلیا نے بھارت کو دوسرے ٹیسٹ میچ میں دس وکٹوں سے شکست دے دی
ایڈیلیڈ میں کھیلے گئے دوسرے ٹیسٹ میچ میں آسٹریلیا نے بھارت کو دس وکٹوں سے شکست دے کر سیریز 1-1 سے برابر کر دی۔

بھارت کی جانب سے دیے گئے انیس رنز کے ہدف کو آسٹریلوی اوپنرز نے با آسانی دس وکٹوں پر حاصل کر لیا۔ نیتھن میک سوئینی نے دس رنز اور عثمان خواجہ نے نو رنز بنائے۔

دوسرے ٹیسٹ میچ میں بھارت نے ٹاس جیت کر پہلے بیٹنگ کا فیصلہ کیا۔ مہمان ٹیم پہلی اننگز میں صرف ایک سو اسی رنز بنا کر آؤٹ ہو گئی۔بھارت کی طرف سے نتین کمار ریڈی بیالیس رنز کے ساتھ نمایاں بیٹر رہے۔

آسٹریلیا کے کپتان پیٹ کمنز نے شاندار بولنگ کا مظاہرہ کرتے ہوئے ستاون رنز دے کر پانچ وکٹیں حاصل کیں، جبکہ اسکاٹ بولینڈ نے تین اور مچل اسٹارک نے دو کھلاڑیوں کو آؤٹ کیا۔

آسٹریلیا نے پہلی اننگز میں تین سو سینتیس رنز بنا کر بھارت پر ایک سو ستاون رنز کی برتری حاصل کی۔

دوسری اننگز میں بھی بھارتی بیٹرز بڑا اسکور نہ کر سکے اور پوری ٹیم ایک سو پچھتر رنز پر آؤٹ ہو گئی۔

اب سیریز 1-1 سے برابر ہو چکی ہے، جبکہ پہلے ٹیسٹ میچ میں بھارت نے آسٹریلیا کو شکست دی تھی۔

مزید پرئیے:https://urdu.thepenpk.com/?p=5465