اسلام آباد:آپریشنل وجوہات کے باعث 6 غیر ملکی پروازیں منسوخ کر دی گئی ہیں جبکہ 15 پروازیں تاخیر کا شکار ہیں۔
فلائٹ شیڈول کے مطابق، کوالالمپور سے کراچی کی غیر ملکی ایئر لائن کی پروازیں او ڈی 135 اور 136 منسوخ کر دی گئی ہیں۔
دبئی سے کراچی کی پی آئی اے کی پرواز پی کے 214 بھی منسوخ کر دی گئی ہے۔
ایوی ایشن ذرائع کے مطابق، دبئی سے لاہور کے لیے نجی ایئر لائن کی پرواز ای آر 724 منسوخ کر دی گئی ہے۔
بحرین سے پشاور کی غیر ملکی ایئر لائن کی پروازیں جی ایف 786 اور 787 بھی منسوخ کر دی گئی ہیں۔
ابوظبی، جدہ، استنبول اور دمام سے اسلام آباد کی پروازیں 1 سے 3 گھنٹے کی تاخیر کا شکار ہیں۔
اسلام آباد سے دبئی اور جدہ کی پروازیں بھی اسی طرح کی تاخیر کا سامنا کر رہی ہیں۔
اسلام آباد سے دبئی کی غیر ملکی ایئر لائن کی پرواز ای کے 613 تین گھنٹے کی تاخیر سے دوپہر 12 بجے روانہ ہوگی۔
استنبول سے کراچی کی 4 پروازیں اور کراچی سے دمشق کی 2 پروازیں بھی تاخیر کا شکار ہیں۔جدہ اور دبئی سے ملتان کی پروازوں کی آمد میں 1 سے 2.5 گھنٹے کی تاخیر ہوئی ہے۔
کویت سٹی اور استنبول سے لاہور کی پروازیں 1 گھنٹے سے زائد کی تاخیر کا شکار ہیں جبکہ لاہور سے دبئی کی پرواز ایف زیڈ 360 پونے 3 گھنٹے کی تاخیر سے روانہ ہوگی۔
مزید پرئیے:https://urdu.thepenpk.com/?p=4588
