اسلام آباد:آج اسلام آباد سے پی آئی اے کی پانچ پروازیں آپریشنل وجوہات کی بنا پر منسوخ کر دی گئی ہیں۔
فلائٹ شیڈول کے مطابق ملک کے مختلف ایئرپورٹس سے 27 ملکی اور غیر ملکی پروازیں تاخیر کا شکار ہیں۔
کراچی سے اسلام آباد کی دو پروازیں پی کے 301 اور پی کے 368 منسوخ کر دی گئی ہیں۔
اسلام آباد سے اسکردو کی دو پروازیں پی کے 451 اور پی کے 452، اور اسلام آباد سے العین کی پرواز پی کے 143 بھی منسوخ کر دی گئی ہے۔
اسلام آباد سے کوئٹہ کی پروازیں پی کے 325 اور پی کے 326 پانچ گھنٹے سے زائد کی تاخیر کا شکار ہیں، جبکہ اسلام آباد سے کوئٹہ کی نجی ایئر لائن کی پروازیں ایف ایل 857 اور ایف ایل 858 بھی تاخیر کا شکار ہیں۔
مزید پرئیے:https://urdu.thepenpk.com/?p=5411
اس کے علاوہ ریاض، جدہ اور العین سے اسلام آباد کی پروازیں بھی تاخیر کا سامنا کر رہی ہیں۔
اسلام آباد سے دبئی، جدہ، گلگت اور شارجہ کی چار پروازیں بھی تاخیر کا شکار ہیں۔کراچی سے جدہ اور نجف کی تین پروازوں کی آمد و روانگی میں بھی تاخیر ہے۔
کراچی سے لاہور کی دو پروازیں پی کے 304 اور پی کے 305 بھی تاخیر کا شکار ہیں۔ملتان سے کراچی کی پرواز پی کے 331 بھی ڈھائی گھنٹے کی تاخیر کے بعد روانہ ہو گی۔
ملتان سے القسیم اور شارجہ کی دو پروازیں بھی تاخیر کا شکار ہیں۔تہران سے لاہور کی پرواز ڈبلیو 5195 میں بھی دو گھنٹے کی تاخیر ہے۔
