بلوچستان:محکمہ موسمیات نے آج سے بلوچستان میں مغربی ہواؤں کے داخل ہونے اور سولہ اضلاع میں بارش اور پہاڑی علاقوں میں برفباری کی پیش گوئی کی ہے۔
محکمہ موسمیات کے مطابق مغربی ہواؤں کا ایک سلسلہ اتوار کی رات دیر گئے بلوچستان میں داخل ہوا، جس کے نتیجے میں آج اور کل کوئٹہ، زیارت، چمن، مستونگ، پشین، قلعہ عبداللہ، قلعہ سیف اللہ، چاغی، نوشکی، قلات، خضدار، بارکھان، سبی، ہرنائی، ژوب اور موسیٰ خیل میں تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔
پی ڈی ایم اے بلوچستان نے الرٹ جاری کرتے ہوئے شہریوں کو غیر ضروری سفر سے گریز کرنے اور ندی نالوں سے دور رہنے کی ہدایت کی ہے۔
مزید پرئیے:https://urdu.thepenpk.com/?p=6266
